ആഴങ്ങളിലേക്ക് പിന്‍‌വാങ്ങുന്ന തിരകള്‍, എത്ര വേഗമാണ് അവയ്ക്കതിന് സാധിക്കുന്നത് ..തീരങ്ങളില്‍ പിന്‍‌വാങ്ങാനാവാതെ ഒറ്റപെട്ട് നില്‍ക്കുന്ന മണ്‍തരികളെക്കുറിച്ച് അവ എപ്പോളെങ്കിലും ഓര്‍മിക്കാറുണ്ടാകുമോ??

രാത്രി മഴയുടെ നൂലുകളില്‍‍ കണ്ണൂനീര്‍ മുത്തുകള്‍ കോര്‍ക്കുവാന്‍ കാത്തിരിക്കുന്ന ആത്മാക്കള്‍ ..അവള്‍ പെയ്യാന്‍ വൈകുമ്പോള്‍ നീറുന്ന കണ്ണുകള്‍ .. എല്ലാം അവള്‍ക്ക് കാണാം ..
അത് കൊണ്ട് തന്നെ , അവള്‍ മേഘകെട്ടുകളില്‍ നിന്നും താഴേയ്ക്ക് പുറപ്പെട്ടതും ആണ്..
പക്ഷെ അവളുടെ വിരലുകള് എവിടെ നിന്നോ അപ്രതീക്ഷിതമായ് ബന്ധിക്കപെട്ടു ..ഇപ്പോള്‍ തിരിച്ചു മേഘങ്ങളിലെക്കോ മറിച്ച് താഴെ തന്നെ കാത്തിരിക്കുന്ന ആത്മക്കളിലെക്കോ എത്തിച്ചേരാന്‍ പറ്റാതെ അവള്‍ നിശ്ച്ചലമാക്കപെട്ടോ?