Friday, November 27, 2009

ആഴങ്ങളിലേക്ക് പിന്‍‌വാങ്ങുന്ന തിരകള്‍, എത്ര വേഗമാണ് അവയ്ക്കതിന് സാധിക്കുന്നത് ..തീരങ്ങളില്‍ പിന്‍‌വാങ്ങാനാവാതെ ഒറ്റപെട്ട് നില്‍ക്കുന്ന മണ്‍തരികളെക്കുറിച്ച് അവ എപ്പോളെങ്കിലും ഓര്‍മിക്കാറുണ്ടാകുമോ??

Tuesday, November 24, 2009

രാത്രി മഴയുടെ നൂലുകളില്‍‍ കണ്ണൂനീര്‍ മുത്തുകള്‍ കോര്‍ക്കുവാന്‍ കാത്തിരിക്കുന്ന ആത്മാക്കള്‍ ..അവള്‍ പെയ്യാന്‍ വൈകുമ്പോള്‍ നീറുന്ന കണ്ണുകള്‍ .. എല്ലാം അവള്‍ക്ക് കാണാം ..
അത് കൊണ്ട് തന്നെ , അവള്‍ 
മേഘകെട്ടുകളില്‍ നിന്നും താഴേയ്ക്ക് പുറപ്പെട്ടതും ആണ്..
പക്ഷെ അവളുടെ വിരലുകള് എവിടെ നിന്നോ അപ്രതീക്ഷിതമായ് ബന്ധിക്കപെട്ടു ..ഇപ്പോള്‍ തിരിച്ചു മേഘങ്ങളിലെക്കോ മറിച്ച് താഴെ തന്നെ കാത്തിരിക്കുന്ന ആത്മക്കളിലെക്കോ എത്തിച്ചേരാന്‍ പറ്റാതെ അവള്‍ നിശ്ച്ചലമാക്കപെട്ടോ?

Tuesday, October 27, 2009

നക്ഷത്രങ്ങള്‍ പ്രകാശിക്കുന്നത്, എല്ലാവര്ക്കും വേണ്ടിയാണ്‍് .. പ്രകാശിക്കുക എന്നത് അതിന്റെ ധര്‍‍മ്മവും ആണ്‍..

പക്ഷെ അതെനിക്ക് വേണ്ടി മാത്രം പ്രകാശിച്ചിരുന്നെന്കില്‍ എന്ന്‍ ഞാന്‍ ചിലപ്പൊളെന്കിലും ആഗ്രഹിച്ചു പോകുന്നു.. ഞാന് കുറച്ചു പൊസ്സെസ്സിവ് ആയോ?

Wednesday, October 14, 2009

ഒരു നക്ഷത്ര സൗഹൃദം..

ഹൃദയത്തില്‍ പുലര്‍മഞ്ഞിന്‍ സൗന്ദര്യവും , മിഴിയിണകളില്‍ ഒരായിരം മിന്നാമിന്നികളെയും ; വിരല്‍തുമ്പില് വജ്രതിളക്കവും ഒളിപ്പിച്ചു വച്ച നീലാകാശത്തിലെ എന്റെ നക്ഷത്ര കൂട്ടുകാരാ നിന്നെ ഞാന്‍ "ധ്രുവ്"എന്ന് വിളിച്ചോട്ടെ..

Tuesday, September 15, 2009

"ചിന്തകള്‍ ചിതറുമ്പോള്‍ .. തിരിച്ചറിവുകള്‍ വല്ലാതെ നൊമ്പരപ്പെടുത്തുമ്പോള്‍; എന്റെ കൂട്ടുകാരീ നീ നിശബ്ദമായിരിക്കുക.."
നിശയുടെ നിശബ്ദതയില്‍ നിന്റെ മഴത്തുള്ളികളെ എങ്ങനെ നിശബ്ദമാക്കാന്‍ അല്ലേ?
നിന്റെ കാര്‍മേഘ ഭിത്തികള്‍ക്ക്, ഒരു മഹാസാഗരത്തെ വരെ ഉള്ളില്‍ തടഞ്ഞ് നിര്‍ത്താന്‍ കഴിയില്ലേ..
ചിലപ്പോള്‍ അത് ദുര്‍ബലമാകുന്നതായി തോന്നിയേക്കാം.പക്ഷെ താഴെ വീഴുന്ന നീര്‍ പളുങ്കുകള്‍ ആരെയെങ്കിലും പൊള്ളിക്കുന്നുണ്ടെങ്കില്‍ ,അതു നിന്നിലിരുന്നു വിങ്ങുന്നത് തന്നെയാണ് നല്ലത്..
എന്റെ രാത്രി മഴേ നീ പെയ്യാതിരുന്നാല്‍ ഇല്ലാതാവുന്നത് ഞാന്‍ തന്നെ ആണ്.എങ്കിലും പറയുന്നു, കൂട്ടുകാരീ നമുക്ക് നിശബ്ദമാകാം.. മറ്റാര്ക്കൊക്കെയോ വേണ്ടി.

Friday, September 4, 2009

Just for a Change..

ഇന്നലെ നിശാഗന്ധി പൂക്കള് വിരിയും വരെ ഞാന് ഉണര്ന്നിരുന്നു, ശൂന്യമായ ആകാശവും നോക്കി ..

ഉറക്കം വരാതിരുന്നിട്ടല്ല ; വെറുതെ ..

Saturday, August 29, 2009

നിശബ്ദതകള് സംസാരിക്കുമോ ??

നീലാകാശത്തിലെ നക്ഷത്രങ്ങള്‍..ഇവര്‍ എന്റെ കൂട്ടുകാര്‍..അതില്‍ വ്യത്യസ്തമായി മിന്നുന്നു എന്ന് എനിക്കു തോന്നുന്ന ഒരു നക്ഷത്രം.. എന്നും അതെന്നോട്‌‌‌ സംസാരിക്കാറുണ്ട്..

രാത്രിമഴ പെയ്യുന്ന രാവുകളില്‍ അതിനെ മറ്റാര്‍‌ക്കും കാണാന്‍ പറ്റാറില്ല.മേഘപാളികള്‍ക്കു പുറകില്‍ അത് ഒളിച്ചിരിക്കും.പക്ഷെ മഴത്തുള്ളികളുടെ സുതാര്യമായ വലയത്തിനുള്ളില്‍ അതിന്റെ മിന്നല്‍ ഞാന്‍ കാണാറുണ്ട്..ചിന്നി ചിതറി നിലത്തു വീഴുമ്പോള്‍ അതിന്റെ ചിരി ഞാന്‍ കേള്‍ക്കാറുണ്ട്‌.

ഇന്നലെ ഭൂമിയും ആകാശവും നിശബ്ദമായിരുന്നു..

ചിലപ്പോള്‍ നിശബ്ദത പോലും സംസാരിക്കാരുണ്ട് എന്ന് നീ തന്നെ അല്ലേ എന്നോട് പറഞ്ഞത്‌..പിന്നെ എന്ത് കൊണ്ട് ഇന്നലത്തെ എന്റെ നിശബ്ദതയുടെ അര്‍ത്ഥ-വ്യാപ്ത്തികള്‍ നിനക്ക്‌ മനസ്സിലായില്ല???

അതുമല്ലെങ്കില്‍ നമ്മുടെ സൗഹൃദത്തില്‍ എപ്പോളെങ്കിലും ഞാന്‍ അഹങ്കരിച്ചിരുന്നിരിക്കണം. അതാകാം ഇന്ന് ഈ തെളിഞ്ഞ ആകാശത്തില്‍ പോലും നിന്നെ എനിക്ക് കാണാന്‍ സാധിക്കാത്തത്‌...

Sunday, August 16, 2009

സ്വദേശികളും പ്രവാസികളും ആയ എല്ലാ മലയാളികള്ക്കും ഹൃദയം നിറഞ്ഞ നവവല്സരാശമ്സകള്‍.......

Thursday, July 9, 2009

നമുക്കും ചിരിക്കാന് ശ്രമിക്കാം ..വേദനയുടെ നനവുള്ള ചിരി ..

വിക്ടര്‍ ജോര്‍ജ് - മഴയെ തൊട്ട് , മഴയില്‍ അലിഞ്ഞു , അവസാനം മഴയായ് മാറിയ മറ്റൊരാള് ..
അദ്ദേഹം മഴയായ് മാറിയതിന്റെ എട്ടാം പിറന്നാള് ..
ഇന്ന് പെയ്യുന്ന മഴയില്‍ വിക്ടറിന്റെ പുഞ്ചിരി കാണാം; പ്രിയപെട്ടവരുടെ കണ്ണുനീരിന്റെ ഉപ്പും ..

Wednesday, July 8, 2009

നനഞ്ഞ് നനഞ്ഞ്..

ഓരോ തുള്ളി മഴയും ഒരേ സമയം എത്രയോ മനസ്സുകളെയാണ്‌ സ്പര്‍ശിച്ചു കൊണ്ടിരിക്കുന്നത് ..ശരിക്കും ഒരു അത്ഭുതം തന്നെ..
കോരിച്ചൊരിഞ്ഞു കൊണ്ടിരിക്കുന്ന മഴയില്‍ നിന്നു ഓടി വന്നു ഈ എ.സി. തണുപ്പില്‍ ഇരിക്കുമ്പൊളും കണ്ണാടി ജാലകങ്ങളിലൂടെ ഒഴുകി ഇറങ്ങുന്ന മഴതുള്ളികള്‍ മനസ്സിനെ മഴയിലേക്കു വലിച്ചിറക്കിക്കൊണ്ടിരിക്കുന്നു..

Friday, July 3, 2009

പൊഴിഞ്ഞു വീണ വാക ഇതളുകള്‍ ഞാനിന്നു കണ്ടു..ഇന്നലെ പുലര്ച്ചയോ , ഒരു പക്ഷെ അതിനു മുന്പത്തെ ദിവസങ്ങലിലെപ്പോഴോ പൊഴിഞ്ഞതാവാം ഇവ. ഒരിക്കലും ജീര്ണ്ണിക്കാത്ത സൌഹൃദത്തിന്റെ തിരുശേഷിപ്പിനെ ഓര്മ്മിപ്പിക്കുമാറ് അതെന്നെയും കാത്ത് ഈ വഴിയോരത്ത്...

Tuesday, June 23, 2009

ഒരു രാത്രി മഴയുടെ അന്ത്യം

നിനക്കായ് ഈ പകല്‍ പെയ്തിടാം ഞാന്‍ ..

തീവ്രമാം സൂര്യ താപത്താല്‍ എരിഞ്ഞാലും ഈ മേഘ നെഞ്ചകം
ഒടുവില്‍ ഉരുകി വെറും ജലധാരയായ് പൊഴിഞ്ഞിടാം..

നിന്നെ നീറ്റിടുന്ന പൊള്ളുന്ന കനലുകള്‍
കെടുത്തുവാന്‍ എനിക്കാവുമെങ്കില്‍
എന്റെ അസ്ഥിത്വത്തെ മറന്നിടാം..

നിനക്കായ് പകല്‍ പെയ്തിടാം ഞാന്‍..

രാത്രി മഴയായ് പെയ്തിരുന്ന നാളുകളിലൊന്നിലാണ്‌
ഞാന്‍ നിന്നെ കണ്ടത് ;
പിന്നെ എങ്ങിനെയോ നിന്‍ ദു:ഖങ്ങള്‍ എന്റെതായ് മാറി..

നിന്റെ ചിരിക്കുന്ന മുഖവും പേറിയല്ലെ ഇന്നലെ ഞാന്‍ തോര്ന്നത്
ഇന്നു പുലര്‍ച്ചെ കാണുന്നതൊ .. വിങ്ങുന്ന ഈ കാഴ്ച്ചയും ..

ഇന്നു തോരാന്‍ മനം വരുന്നില്ലെനിക്ക്
നിനക്കായ് ഈ പകല്‍ കൂടി പെയ്തിടാം ഞാന്‍
എന്റെ അസ്ഥിത്വത്തെ മറന്നിടാം..

നിന്റെ ചിതയിലെ എരിയുന്ന കനലുകളില്‍ ‍ ലയിച്ചിടാം
ഇനി നീ ഇല്ലാത്ത നാളെ വീണ്ടും ഒരു രാത്രി മഴയായ് പെയ്യാന്‍ ഞാനുമില്ല..........
കേള്‍ക്കാന്‍ ആരും ഇല്ലാത്തപ്പോള്‍ മനസ്സ് ഉച്ചത്തില്‍ സമ്സാരിക്കും..


Saturday, April 11, 2009

മഴയും മനസ്സും

വികാരങ്ങളെ തീവ്രമാക്കാനുള്ള മഴയുടെ കഴിവ് എന്നെ അതിശയപ്പെടുത്താറുണ്‍ട്...

എന്റെ സന്തോഷത്തില്‍ മഴത്തുള്ളികള്‍ പൊട്ടിച്ചിരിക്കുന്നു; എന്റെ ദു:ഖത്തില്‍ അതെനിക്കൊപ്പം കണ്ണൂനീര്‍ വാര്‍ക്കുന്നു....

Friday, March 27, 2009

കാറ്റില്‍ പറന്നകലുന്ന അപ്പൂപ്പന്‍താടിയെ നിസ്സഹായയായി നോക്കിനില്‍ക്കാനേഎനിക്കു കഴിഞ്ഞുള്ളു..
സ്വാതന്ത്ര്യം എനിക്കു മാത്രം സ്വന്തമായ ഒന്നല്ലല്ലോ..എങ്കിലും കാറ്റൊന്നുശമിച്ചിരുന്നെങ്കില്‍.
.

Friday, March 6, 2009

ആഴങ്ങളിലെ വന്യമായ സൗന്ദര്യം ശ്വാസംമുട്ടിക്കുമ്പോള്‍ സമുദ്രോപരിതലം തേടിപോകാന്‍ ഞാന്‍ ഒരു മല്‍സ്യം അല്ലല്ലോ..

Monday, February 2, 2009

ജീവിത യാത്രയില്‍ കണ്ടുമുട്ടുന്നവര്‍ സമരിയാക്കാരന്‍ തന്നെ ആകണം എന്ന് ശഠിക്കരുത്; മറിച്ച് സ്വയം ഒരു സമരിയാക്കാരന്‍ ആകാന്‍ ശ്രമിക്കുക....

Saturday, January 31, 2009

ഇതെന്റെ ഹൃദയമാണ്.............എങ്കില്‍

താനേ അടഞ്ഞ എന്‍ ജാലക വാതിലൊന്നാഞ്ഞു
തുറക്കുവാന്‍ കഴിഞ്ഞിരുന്നെങ്ങ്കില്‍
പൊട്ടിച്ചിതറിയെന്‍ മാലയില്‍ വീണ്ടും ,
മുത്തുകള്‍ ചേര്‍ത്തൊന്നു വയ്ക്കുവാന്‍ പറ്റിയെങ്കില്‍്

പൊഴിഞ്ഞൊരാ മയില്‍പ്പീലി വീണ്ടുമെടുത്ത്-
എന്റെ നെഞ്ചോടു ചേര്‍്ക്കുവാന്‍ തോന്നിയെങ്കില്‍
പെയ്തു കഴിഞ്ഞൊരു മഴയുടെ മണികളെന്‍
കൈവെള്ളയിലൊന്നെടുക്കാനെനിക്കായെങ്കില്‍

കൊഴിഞ്ഞു കഴിഞ്ഞോരോദിനങ്ങളെല്ലാം
പെറുക്കി എടുക്കാനൊരുവേള പറ്റിയെങ്കില്‍്
നഷ്ട്ടപ്പെടുത്തിയെന്‍ ഓര്‍മകളൊന്നായ്
വീണ്ടെടുക്കാന്‍ എനിക്കായിരുന്നെങ്കില്‍്

പിണങ്ങിപ്പിരിഞ്ഞൊരെന്‍ ബാല്യകാലം വീണ്ടും
ജീവിച്ചെടുക്കാന്‍ കഴിഞ്ഞിരുന്നെങ്ങ്കില്‍ .......
(2004)

Sunday, January 25, 2009

മടക്കം

ഇന്നത്തെ മടക്കയാത്രയില്‍ ഞങ്ങള്‍ ഒരുമിച്ചായിരുന്നു.. ഞാനും എന്റെ നിഴലും. ഞങ്ങള്‍ക്ക്‌ ഒരേ ഭാവമായിരുന്നു , ഒരേ നിറമായിരുന്നു . നിഴലേത് ഞാനേതു എന്ന് ആര്‍ക്കും ( എന്തിന് , എനിക്ക് പോലും ) തിരിച്ചറിയാന്‍ വയ്യാത്ത വിധം.

Wednesday, January 21, 2009

.....ഒരല്പം നേരം ഈ മഴയോടൊപ്പം...

അതേ എനിക്കിപ്പോള്‍ കേള്‍ക്കാം ..മഴയുടെ നേര്‍ത്ത ശബ്ദം ...

സുഗതകുമാരി പറഞ്ഞ പോലെ "രാത്രിമഴ ചുമ്മാതെ കേണും ചിരിച്ചും" .....

പക്ഷെ രാത്രിമഴ എന്ന് പറയാമോ ഇതിനെ ..അറിയില്ല .. ഇപ്പോള്‍ സമയം 12.01 am

രാത്രിയ്ക്കും പ്രഭാതത്തിനും ഇടയ്ക്കുള്ള യാമത്തില്‍ പെയ്യുന്ന മഴയെ ഞാനെന്തു പേരിട്ടു വിളിക്കും ?

പഠിച്ചതും കേട്ടതും ആയ വാക്കുകള്‍ ഒന്നും മതിയാകുന്നില്ല ഈ മഴയെ വര്‍ണ്ണിക്കാന്‍...

നീ പറഞ്ഞ പോലെ ചീവീടുകളുടെ ശബ്ദം ഉണ്ടോ ഇപ്പോള്‍ ?

ജനലഴികളിലൂടെ ഞാന്‍ കാതുകള്‍ വട്ടം പിടിച്ചു . ഹേയ് ഇപ്പോള്‍ അത് കേള്‍ക്കാനില്ല .

ഒരു പക്ഷെ അവയെല്ലാം കാലം തെറ്റി പെയ്ത ഈ മഴയുടെ സൗന്ദര്യത്തില്‍ മയങ്ങി പോയിട്ടുണ്ടാകാം .

പക്ഷെ മണ്ണിന്‍റെ ഗന്ധം .. അത് ഇപ്പോളും ഉണ്ട് .....
(2-March-08)

Wednesday, January 7, 2009

വീണ്ടും വരുന്ന വഴികള്‍

ഇന്ന് ഞാന്‍ സഞ്ചരിച്ചത്‌ അതേ വഴിയിലൂടെ ആണ് .... വാക മരങ്ങള്‍ ഇരു വശവും തല കുമ്പിട്ടു പൂക്കള്‍ ഉതിര്‍ത്തിരുന്ന അതേ വഴി... പൂക്കള്‍‍ക്കും എന്‍‍ടെ വസ്ത്രങ്ങള്‍‍ക്കും ഇന്ന് ഒരേ നിറമായിരുന്നു ...കടും ചുവപ്പ് .
(6-Jan-09)

Saturday, January 3, 2009

ഒരു മരത്തിന്‍റെ രോദനം

ചിറകുകള്‍ പറയുന്നു എന്നോട് പറക്കുവാന്‍ ...

പക്ഷെ എന്‍റെ വേരുകള്‍ എന്നെ തളച്ചിടുന്നു ...

...എങ്കിലും ....

ഞാന്‍ ഉറ്റു നോക്കുന്നു , ആകാശത്തിലേക്ക് ...

എന്നെങ്കിലും പറക്കുവാന്‍ കഴിയുമെന്ന പ്രത്യാശയോടെ...

(18-May-08)